,,Við getum verið ákaflega stolt af afkomu ársins 2019 þar sem arðsemi eigin fjár, sem er 17,2%, er sú besta frá skráningu félagsins. Afkoma fjárfestinga var góð en stýring eignasafnsins hefur gengið vel þar sem markaðsáhættan hefur verið nýtt betur með það að markmiði að hámarka arðsemi eigin fjár. Þetta er í samræmi við stefnu félagsins um fjármagnsskipan.

Tryggingareksturinn var ásættanlegur en litaðist af stórum tjónum, annað árið í röð, auk þess sem mikil lækkun vaxta hafði neikvæð áhrif. Á síðasta ári greiddum við viðskiptavinum um 17 milljarða króna í tjónabætur.

Þetta er einmitt hlutverk okkar, að vera traust bakland fyrir viðskiptavini okkar. Niðurstaðan er sú, að 2019 er eitt besta rekstrarár í sögu VÍS.“

Helgi Bjarnason, forstjóri VÍS